4. Cereus santiaguensis Spegazzini. (n. sp.)

Diag.
  Multiangularis, arborescens, dense fastigiato-ramosus pallide viridis; costis 14 et ultra humilibus rotundatis non v. obsoletissime crenatis, sulcis acutissimis sejunctis; areolis parvis antice stria v-formi tenui ornatis; aculeis 9-l2,uno centrali parum majore, caeteris marginalibus radiantibus, primo flavido- rufescentibus, serius subalbescentibus, omnibus subsetaceis brevibus gracilibusque rectis; floribus majusculis extus virescentibus squamosis longe barbatis, phyllis lanceolatis albis; fructibus adhuc ignotis.

Hab.
  In silvis Provinciae Santiago del Estero, praecipue prope Estacion Icaño.

0bs.
  Trunci 4-7-metrales subteretes (16-20 cm diam.); rami parallele arcuatim adscendentes (6-10 cm diam.), apice flavido-virides, caeterum pallide virides non nitentes; areolae minutae (3-3,5 mm diam.) primo candidae dein cinereae spatio lO-15 mm separatae; aculei leniter retrorsi, in quaque areola inferi longiores (6-10 mm) superi breviores (4-5 mm), centralis validior (10-20 mm). Alabastra clavata dense longe obscureque cinereo-villosa, flores inodori pleurogeni (18-20 cm long.), phyllis lanceolatis staminum filamentis et stylo albis, antheris et laciniis stigmaticis 18 subchroleucis.